1634/2023-2024

Kolasib dated 24th August 2023: Vawiin chawhma khan DC Conference Hall, Kolasibah District Level Committee on Pradhan Mantri Aadi Adarsh Gram Yojana chuan thutkhawmna neiin Kolasib district chhung a khaw 8-a hmalakna kalpui dan tur an rel a. Pu John LT Sanga, Deputy Commissioner chuan hun kaihruaiin Pi R.Lalmuanpuii, Field Facilitator, Social Welfare & Tribal Affairs Department chuan he scheme chungchang sawi zauna hun a hmang bawk a ni.

Pu John LT Sanga, Deputy Commissioner chuan Sawrkai laipui scheme Pradhan Mantri Aadi Adarsh Gram Yojana hnuai a khawtlang tih hmasawnna hna chu uluk tak a ruahman a pawimawh thu sawiin khawtlang tan a tangkai leh ro tling siam chhuah nana hman ngei a pawimawh thu a sawi a. District Level Committee chuan hna hi a tak a kalpui a nih hun ah hnathawktute pawh uluk tak a vilpui a pawimawh thu sawiin he scheme in a khawtlang nuam siam nana hmalak dan tur a duan angte chu tha tak a ti hlawhtling turin member kalkhawmte a chah bawk a ni.

Kum 2023-24 chhung hian Kolasib district chhung ah PMAAGY hnuai a Cheng nuai 163.04 hmang a hmalakna tur ruahmanna awm te sawi ho a ni a, Thingdawl RD Block hnuai a khaw 6 leh Bilkhawthlir RD Block hnuai a khaw 2 a tuam tel dawn a ni. Heng hmalakna kalpui tur hian cheng nuai 20.38 zel ruahman a ni ang a, chumi hmang chuan tui dah khawlna siam te, tuihawk luankawr siam te, inkalpawhna kawng thawmthat te, Vantlang inthiarna hmun siam te, lung rem leh Anganwadi sak that te a tel a ni.

Vawiin thutkhawmna ah hian Project Director, DRDO, Chief Medical Officer, Executive Engineer, PHED, District Local Administration Officer leh District Labour & Employment Officer-te an tel a ni.