1635/2023-2024

Dated Serchhip, the 24th August, 2023: Vawiin khan Social Welfare Minister Er. Lalrinawma chuan a bial chhung hmasawnna hnathawh hrang hrang a hmunah kalin khawtlang hruaitute nen an enho.

Er. Lalrinawma chuan khawchhung hmasawnna leh thilthar neih te chu a lawmpui thu sawiin neitu rilru pu chunga tha taka enkawl turin khaw mipuite a chah a. Vantlang hmunhma te leh zirna in te chu enkawl tha a, dimdawi tura chahin a enkawl zui zelnaah khawtlang mipuiten mawhphurna sang tak an nei tih hre turin a fuih a ni. Minister chuan khawtlang mipuiten a hnena an duh leh mamawh hrang hrang an thlen te chu theih tawp chhuahpuia, hmalak pui zel a tum thu a sawi bawk a ni.

Er. Lalrinawma’n vawiina a bial chhung hnathawh a en te hi Darlawng khuaa Middle School building sak mek te, Tlungvel khuaa High School leh Primary School building sak mek te, Mualpui Chhingchhip khelmual te, Thentlang Middle School sak mek te leh Sialhau khuaa Community Hall leh Middle school sakna hmun tur laih hna thawh mek te a ni a. Heng hna te hi PMAAGY, SASCI leh MLA Fund hmanga thawh te an ni.

Minister hi khawtlang hruaitute, GSA te leh School zirtirtu ten lo dawngsawngin an tawiawm a ni.