Kolasib District Level Horticulture Exhibition cum Fair, Taitesena Hall, Kolasib Venglai-a buatsaih chu vawiin khan Pu K. Lalrinthanga, Parliamentary Secretary in a hawng.

Thusawiin Pu K.Lalrinthanga chuan ramdang atanga thei lakluhte a kalna ngaihtuah chuan to zawk awm tak anih laiin kan tharchhuah thei te man inang rengin kan lei a, an ni chuan tihtak zetin thawnchhuah tham an buaipui avangin man man zawk in an hralh thei a ni tiin, an taimakna leh an tumruhna kan entawn a kan zir a ngai a ni a ti a. Kuthnathawh kawngah kan fa te kan zirtir dan siamthat a tul thu sawiin, thawkrim leh thlan tla lo a an ei a an in theihnan an ro kan khawl khawm sak a, hnathawh kan zirtir lo a hei vang hian kan ram in harsatna kan tawk mai ang tih a hlauhawm a ni a ti a. Kuthnathawktu te pawh a thlawna sorkar atanga dawn chauh beisei lo a, tam zawk tharchhuak tura tan la sauh sauh tur leh sorkarin an harsatna a puitu tur a pek leh ruatte pan nachang hre turin a sawm a. Hetih rual hian sorkar hnathawkte pawh hnaa inpe zual turin a sawm bawk a ni.

Vawiin a Exhibition hawnna ah hian Pu H. Lalengmawia, District Bawrhsap chu khualzahawm a ni a. Pu Lalthlamuana, DHO Kolasib in hawnna inkhawm hi kaihruaiin, Kolasib District a Horticulture hmalakna in hmasawnna a hmuh langsar zing ah Anthurium 20000 atanga 30000 man thla tin thawnchhuah anih thu te, Aieng tha siamchhuah pawh leitur a awm reng thu te tarlan a ni.

Vawiin a Exhibition ah hian Stall 13 awmin, thlai chi hrang hrang phochhuah anih bakah a hmun ah man man zawkin lei theih a ni a. KVK ICAR leh Horticulture Department ten an hmalakna te phochhuakin, hmanrua chi hrang hrang man tlawm zawk a lei theih in an phochhuak bawk a ni.