Vawiin khan Kolasib District Level Implementing Committee on NLUP chu an Chairman Pi Niharika Rai, IAS hovin a office chamber-ah an thukhawm a. District chhunga NLUP kalpui dan leh tun dinhmun thlenga hmalak tawh dante thlir ho a ni.

Line Department pariat ten an Department theuha NLUP sem dan he meeting-ah hian an report a. Department paruk Horticulture, Agriculture, Fisheries, Forest, Sericulture leh Industries te chuan 3rd instalment an pe chhuak tawh a. Soil & Water Conservation leh AH & Vety Department te chuan 2nd instalment thleng an pe tawh a ni. Department thenkhatah NLUP guideline zawm lo NLUP dawngtu zingah an awm avanga an pawisa dawn tur hrensak an awm tih sawichhuah a ni a. Fisheries Department hnuaia harsatna engemaw avanga NLUP trade thlak sak ngai mi pakhat a awm thu leh hei hi District Level Monitoring Committee on NLUP in ala pawmpui loh thu tarlan a ni bawk a ni.

DC Pi Rai chuan NLUP line Department te chu Mizoram sawrkar flagship programme kalpui danah dik leh fel taka thawka engemaw thlak leh tih danglam ngai a awma District Level Implementing Committee hnena thlen zel turin a chah a ni.