Vawiin khan Kolasib D.C. Pu Dawngliana hovin Kolasib District Level Committee on Private T.V. channel a vawikhatna atan a office chamber-ah an thukhawm a. Kolasib District chhunga Cable T.V. operator te dinhmun leh mipui rawngbawl nana tangkai zawka an thawh dan turte an sawiho.
Chairman Pu Dawngliana, D.C. chuan Cable T.V. operator te chu tangkai zawka mipui rawng an bawl theih nan tun aiin tan la lehzual se a duh thu a sawi a. Mipuite rilru a thalo zawnga kaihruai theitur reng reng T.V. a tichhuak lo tura a duh thu leh chutiang tite chu Cable T.V. Regulation Act and Censorship Rules anga an chunga action lak a nih zel dawn thu a sawi a ni.
Pi Lallianpuii, District PRO, Member Secretary chuan sawrkarin committee a din chhan te sawifiahin Cable T.V. chhuah tute chu an zawm ngei ngei tur dan engemaw zat sawrkarin a zam thu a sawi a. Chung te enfiahtu tur chuan he monitoring committee hi din a nita a ni a ti.
Cable T.V. operator te chu mumal taka film tichhuak a, mipuite tana film thalo chhuah lo tura tih an nih thu he committee ah hian sawilan a ni a. Zahmawh rawngkai film thalo chhuah phal a nihloh thu leh hetiang lo chhuah khawi hmunah pawh an awm leh awm loh lo bengchhi turin khaw tina tlawmngai pawlte chu an beisei thu an sawi a. Cable T.V. pechhuak tute chu Doordarshan channel pahnih leh regional DD channel te chu mathei lova an T.V. channel hmasa ah te pe chhuak tura tih an ni bawk a ni.
Kolasib District chhunga khawtin deuhthaw ah Cable T.V. tihchhuah a ni ta a. Hetih lai hian khawpui ber Kolasib a Cable T.V. pakhat chauh chhuak leh Mizo tawng a chanchinthar puan chuan a la nilo chu rualawhthlak committee chuan a ti a. Weekly News tal tihchhuah theih nise an ti. Hmasawn zel nan Cable T.V. dang din ni thei se an duh thu pawh an sawi bawk a ni.
Pi Lallianpuii, District PRO, Member Secretary chuan sawrkarin committee a din chhan te sawifiahin Cable T.V. chhuah tute chu an zawm ngei ngei tur dan engemaw zat sawrkarin a zam thu a sawi a. Chung te enfiahtu tur chuan he monitoring committee hi din a nita a ni a ti.
Cable T.V. operator te chu mumal taka film tichhuak a, mipuite tana film thalo chhuah lo tura tih an nih thu he committee ah hian sawilan a ni a. Zahmawh rawngkai film thalo chhuah phal a nihloh thu leh hetiang lo chhuah khawi hmunah pawh an awm leh awm loh lo bengchhi turin khaw tina tlawmngai pawlte chu an beisei thu an sawi a. Cable T.V. pechhuak tute chu Doordarshan channel pahnih leh regional DD channel te chu mathei lova an T.V. channel hmasa ah te pe chhuak tura tih an ni bawk a ni.
Kolasib District chhunga khawtin deuhthaw ah Cable T.V. tihchhuah a ni ta a. Hetih lai hian khawpui ber Kolasib a Cable T.V. pakhat chauh chhuak leh Mizo tawng a chanchinthar puan chuan a la nilo chu rualawhthlak committee chuan a ti a. Weekly News tal tihchhuah theih nise an ti. Hmasawn zel nan Cable T.V. dang din ni thei se an duh thu pawh an sawi bawk a ni.
