Hindustan Club of Aizawl buatsaih, Annual Cultural Programme, vawiina Vanapa Hall-a neihah, Mizoram Governor Lt Gen (Rtd) M.M.Lakhera, PVSM, AVSM, VSM chu Khuallian a ni a. Pu Lalsawta, Hon’ble Minister for Law & Judicial etc. chu Khualzahawm a ni.

 

 

Governor chuan India ram hi hnam nunziarang hausa tak nei, keini aia hausa chuang awm biklo, kan ram hi hman atang tawhin he hnam ziarang hausakna hian min phuarkhawm a ni a. Amaherawhchu, tunlaiah mahni hmasialna avangin khawi lai lai ah emaw India hi then hran duhna rilru a rawn piang thin hi a vanduaithlak tak zet a ni a ti a. Kan hnam ziarangte reng reng hi inhlut sak tawna, min phuarkhawmtu ah kan hman a ngai hle a ni a ti. Hetiang lamhawi zawnga Hindustan Club in programme an siam thin chu a lawmawm tak meuh a ni a ti.

Khualzahawm Pu Lalsawta pawhin thusawina hun hmangin, hetiang ang programme a a tel vawi khatna anih thu sawiin, he hun an hman hian Indian nih a nawmzia a tilanga, Indian kan ni hi kan inchhuang a ni a ti.

Governor hian Hindustan Club member fate kum 2008 leh 2009 a Matric a titha zualte hnenah lawmpuina thilpek a hlan a. Pu Lalsawta hian club memberte leh an fate thuziak awmna magazine ‘Pratiki’ tih a tlangzarh bawk a. Hindustan Club hian Khuallian leh Khualzahawm hnenah thilpek an hlan bawk a ni.

Inkhawm kaihruaitu, Club President, Pu P.Chakraborty chuan Hindustan Club hi kum 1904 a din anih thu sawiin, record erawh hmuh tur an neih tam loh thu a sawi bawk. Cultural programme ah hian Hindi zai leh lamte, Tagore-a hlasakna hunte, Mizo naupang te leh hnamdang naupang ten India a hnam hrang hrangte zai leh lam hmuhnawm tak tak an entir a ni.