323/2023-2024

Kolasib dated 4th May 2023: Vawiin chawhma khan DRDO Conference Hall, Kolasibah ruihhlo dona kawng a chak zawk a hmalak dan tur relin Kolasib District ‘Ruihhlo Do’ Committee chuan thutkhawmna an nei a. Pu John LT Sanga, Deputy Commissioner chuan he thutkhawm hi kaihruaiin Kolasib district chhung a Nisa Mukt Bharat Campaign kalpui dan te, NCORD hmalakna leh YMA hmalak dan thlirletna hun te neih a ni.

Pu John LT Sanga, Deputy Commissioner chuan ruihhlo chu ram leh hnam hmelma hlauhawm tak, hmasawnna kawng daltu leh chhungkua leh khawtlang ralmuanna nasa tak a tichhe theitu a nih angin ruihhlo vanga harsatna tawk mek chhanchhuah leh la ti ve lo te fihlim tur a zirtirna pek chu thil pawimawh tak a nih thu a sawi a. Ruihhlo do kawnga hma la thintu Sawrkar department leh tlawmngai pawl te tha tichak lehzual a, ‘Ruihhlo Do’ Committee-a Office, NGO leh khawtlang hruaitute thawhhona hnuai a ruahmanna chuan awmze thui tak a neih ngei a beisei thu Deputy Commissioner chuan a sawi bawk a ni.

Vawiin thutkhawm ah hian School, College leh Kohhran inkhawm hrang hranga ruihhlo that lohna leh fihlim tur a zirtirna neih dan tur ruahmanna te sawi ho a ni a, hemi hun a zirtirna pe tur mi 4, ‘Master Trainer’ thlanchhuah dan tur te rel a ni. District Level ‘Ruihhlo Do’ Committee-ah MZP leh MSU hruaitute ruat belh ni se tih rel a ni a, ruihhlo lak a fihlim tur a inzirtirna thehdarh tur Video clip buatsaih tur a tih a ni bawk. Thutkhawm a tarlan danin kum 2022-23 chhung khan Nasa Mukt Campaign kaltlangin Kolasib district chhung school 30 chuang ah ‘Awareness Campaign’ neih a ni a, Street Campaign leh Talk Show-te buatsaih niin Sub Headquarters YMA Kolasib kumpuan hmalakna in ni 11, February 2023 khan ruihhlo thahnem tak hal ralna hun hman a lo ni tawh bawk a ni.