322/2023-2024

High Powered Review Board of Brahmaputra Board meeting neih zawh taka Mizoram aiawh a kal Minister Pu C. Lalrinsanga chuan tahrik ni 2 May, 2023 Thawhlehni zing khan Assam state Agriculture Minister Pu Atul Bora chu a chenna inah hmuin Agriculture hmalakna hrang hrang chungchangah titi pui na neiin thawhho dan tur te a sawi pui.

Minister Pu C. Lalrinsanga chuan hmarchhak state te inpawh leh tangrual zawka thawhho a ngaih pawimawh thu sawiin, agriculture lamah pawh thawhhona tha zawk an neih zel a beisei thu a sawi a. Kharif season lo awm tur atana thlai chi tha chungchanga hmasawnna nasa zawk kalpui thei tura ruahmanna te sawi puiin, buh chi tha leh hlawk zawk an neih, Black rice kan tih leh thlai chi hrang hrang dang te pawh Mizoram-a tharchhuah a nih theih nana hma lak zel dan tur te a sawi pui a. Minister te hian ramri chungchang te pawh sawi dunin, Pu C.Lalrinsanga chuan state aiawha hmalatu ten an hma lak mek kal zelah inremna tha tak an neih ngei theih a duh thu leh Assam state te pawh inhawng leh zual tura a duh thu a sawi bawk.

Mizoram leh Assam Agriculture Minister te inkawmna ah hian Dr. Malsawmtluanga Fanchun, DRC Guwahati leh sawrkar official dang te an tel bawk a ni.