601/2026-2027
Kolasib, 19th May, 2026: Mizoram chhung District thenkhatah African Swine Fever (ASF) hri a len thar leh mek avangin, he hri hlauhawm tak laka Kolasib District-a vawkvulhtute leh mipuite kan him tlan zel theih nan Kolasib District Magistrate Pu H. Dolianbuaia chuan Section 163 of Bharatiya Nagarik Suraksha Sanhita, 2023 in thuneihna a pek angin vawiin ni 19 May, 2026 ah hian a hnuaia mi ang hian thupek a chhuah:
1. Ram dang leh State dang atangin Vawk, Vawksa, Frozen Pork, Vawksa rep leh vawksa atanga siam reng reng lak luh khap tlat a ni.
2. Mizoram chhunga District dang atangin Vawk, Vawksa, Frozen Pork, Vawksa rep leh vawksa atanga siam reng reng lak luh khap tlat a ni.
3. ASF hrilenna (infected area) puanna khua atangin Vawk, Vawksa, Frozen Pork, Vawksa rep leh vawksa atanga siam reng reng lak chhuah khap tlat a ni.
4. Vawk damlo reng reng talh leh hralh khap tlat a ni. Vawk thi reng reng paih mai mai lovin thuk takah chinai nena phum bo thin tur a ni.
5. Vawk damlo leh thi an awmin, AH & Vety. Official te hnenah hriattir vat tur a ni.
6. Hri lenna hmun (ASF infected area) atanga hri a darh zel loh nan Vawk suat duh ten AH & Vety. Dept. ah dilna thehluh tur a ni.
He thupek hian chhuah a nih atanga ni 60 chhung a huam ang a, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ni ang.
