600/2026-2027 

Dated Khawzawl, the 19th May, 2026 : Nimin khan Khawzawl Bawrhsap Pu K. Vanlalthiana kaihhruaiin DC Conference Hall-ah ‘Jan Bhagidari – Sabse Door, Sabse Pehle’ hawnna inkhawm neih a ni.

Bawrhsap Pu K. Vanlalthiana chuan sawrkarin mipuite hmasawnna tura scheme a ruahmante a dawngtu tur dik takin an dawn theih nan inhrilhhriatna zau zawk kalpui a pawimawh thu a sawi a. Department hrang hrang hotute chu mipui tamzawkin an tana duan hamthatnate an dawn theih nan chak taka hma la zel turin a chah.

Jan Bhagidari – Sabse Door, Sabse Pehle" (Mipui telna – A hla ber hnenah, A hmasa berah) tih hi PM-JANMAN leh DAJGUA scheme hnuaia sawrkai laipui programme a ni a. Hmasawnna rualkhai a thlen theih nana, hmun kilkhawr leh hla zawka awm, a bikin tribal-te hnena sawrkar scheme hrang hrang hnuaia hamthatna thlen tumna programme a ni a. May ni 18-25 thleng neih tura ruahman niin, Khawzawl district chhung khaw hrang hrangah kalpui tur a ni.