599/2026-2027

Dated Aizawl, the 19th May 2026: Vawiin chawhnu khan Environment, Forests & Climate Change (EF&CC) Department Minister Pu Lalthansanga kaihruaiin Chief Wildlife Warden Conference Hall, Khatlaah State Level Sub-Committee (SLSC) on Green Mizoram an thukhawm.

Thutkhawmnaah hian kumina Green Mizoram Day (GMD) hman dan tur rel a ni a. Kumin GMD thupui atan “Thing hi rangkachak anga hlu, nunna tinreng bul a ni.” (Trees are green gold, The roots of all life) tih chu thlan a ni. Ramchhunga a lawmna pui ber (State level function) chu Youth Recreation Centre, Falkland ah June 11, 2026 zing dar 10-a hman tura rel a ni a. Thutkhawmah hian kum liam ta chhunga hmalakna hrang hrang te thlirhona neih a ni bawk.

Minister Pu Lalthansanga chuan thu sawiin ramngaw hlutzia leh humhalh a tulzia a sawi a. Thing phun lama tan kan lak nasat em em rualin a enkawl zelna kawngah tih tur a la tam hle a. Sawrkar leh mipuiten mawhphurhna sang tak kan nei a ni a ti.

EF&CC Principal Secretary Pu Sudhir Kumar pawhin Mizoram chu India rama ramngaw nei tha ber a nih rualin, a hlutna kan hriat thar a pawimawh hle a ni a ti bawk.

He hunah hian EF&CC Department Official-te, State Council of Educational Research & Training(SCERT), Local Administration Department(LAD), Land Revenue & Settlement Department, Public Works Department(PWD), Information & Public Relations Department(I&PR), National Service Scheme (NSS), Central YMA, Mizo Hmeichhe Insuihkhawm Pawl(MHIP), Mizoram Upa Pawl(MUP), Local Council Association, Association for Environmental Preservation (ASEP), Science Teachers’ Association Mizoram (STAM), Centre for Environment Protection (CEP), Green Mizoram Network, Mizoram Florists’ Association, leh Save Environment Association (SENVA) aiawhte an tel a. Pu Samson Thanruma, DCF (HQ) in lawmthu sawiin vawiin hun hi a khar a ni.