2946/2023-2024

2023 Pawltlak thla ni 5: African Swine Fever (ASF) leng mek chuan Kolasib District-ah ziaawm lam a pan nia hriat a nih laiin, he hri hlauhawm tak laka vawk vulhtute leh mipuite an him tlan zel theih nan Kolasib District Magistrate Pu John LT Sanga chuan Section 20 of The Prevention and Control of Infectious and Contagious Diseases in Animals Act, 2019 leh Section 144 CrPC tlawh chhanin December ni 4, 2023 khan heti ang hian thupek a chhuah.

1. Ram dang leh state dang aṭangin vawk leh vawksa rep Kolasib District chhungah lak luh khap tlat a ni.

2. ASF len lohna state-a APEDA/FSSAI-in a pawmpui farm aṭangin vawksa aṭanga siam (frozen pork) lak phal a ni. Amaherawhchu, SOP zawm chungin Director, AH & Vety Department phalna lak hmasak tur a ni.

3. ASF infected area-a puanna khua aṭangin vawk, vawksa aṭanga siam reng reng Kolasib District chhungah lak luh phal a ni lo.

4. Vawk damlo reng reng talh leh hralh khap tlat a ni.

5. Vawk thi reng reng chinai nen thuk taka phum tur a ni.

6. Vawk thi an awmin, AH & Vety-a thawktute hnenah report tur a ni.

He thupek hian chhuah a nih aṭanga ni 60 chhung a huam ang a, dan bawhchhia an awm chuan Section 188 IPC hmangin hrem an ni ang.