4105/2024-2025
Dated Kolasib the 5th February 2025: African Swine Fever (ASF) leng mek chu Kolasib Districtah ziaawm lam a pan ni a hriat a ni a, amaherawhchu he hri hlauhawm tak laka vawkvulhtute leh mipuite kan him tlan zel theih nan a hnuaia mi ang hian thupek chhuah a tul a.
Chuvangin, ROBERT C.LALHMANGAIHA, District Magistrate, Kolasib District, Kolasib chuan Section 20 of 'The Prevention and Control of Infectious and Contagious Diseases in Animals Act, 2019 leh, Section 144 Cr.P.C. in thuneihna a pek angin hetiang hian thupek a chhuah e:
1. Ram dang leh State dang atangin vawk leh vawksa, frozen pork, vawksa rep leh vawksa atanga siam reng reng Kolasib District chhungah lakluh khap tlat a ni.
2. Mizoram chhunga District dang atangin vawk leh vawksa, frozen pork, vawksa rep leh vawksa atanga siam reng reng Kolasib District chhungah lakluh khap tlat a ni.
3. ASF hrilenna (infected area puanna khua atangin vawk, vawksa, Frozen pork, Vawksa rep leh Vawksa atanga siam reng reng lakchhuah khap tlat a ni.
4. Vawk damlo reng reng talh leh hrah khap tlat a ni a. Vawk thi reng reng paih mai mai lovin, thuk takah chinai nena phum bo thin tur a ni.
5. Vawk dam lo leh thi an awmin A.H & Vety Official te hnenah hriattir vat tur a ni.
6. Hri lenna (ASF infected area) atanga hri darh zel loh nan Vawk suat duh ten A.H & Vety Deptt. ah dilna thehluh tur a ni.
He thupek hian chhuah anih atanga ni 60 chhung a huam anga, dan bawhchhia an awm chuan Section 188 IPC hmangin hrem an ni ang.
He thupek hi vawiin ni 5 February, 2025 hian Court Seal nen nemnghetin a hming a ziak hnan a ni.
