Fostering Climate Resilient Upland Farming System (FOCUS), District Management Unit, Kolasib District buatsaihin vawiin khan Pangbalkawn khua ah Gram Sabha neih a ni.
He hun hmanpuitu Pu J.Rothanga, District Project Manager, FOCUS leh District Agriculture Officer ni bawk chuan FOCUS tobul leh a lo dinchhuah dan te sawiin Mizoram chhunga District pali ah chauh FOCUS Project kalpui a la nih laia Kolasib District a tel ve chu vanneihthlak a tih thu a sawi a. Project in a tumte leh a kalpui dan tur te, project atanga mipuiten tanpuina leh hamthatna dangte an dawn theihna atan Farmer Interest Group (FIG) pawimawhzia te sawi bawkin he project atang hian sik leh sa inthlak danglam thei tur veng zawnga kan lo neih dan te her rem a tul thu leh Sawrkar hmalaknate a hlawhtlin theihna tura thahnemngai taka thawk turin he vantlang inkhawma kalkhawm te a sawm a ni.
He vantlang inkhawm ah hian Pu C.Lalhmangaihsanga, Asst manager (Planning) chuan Farmer Interest Group din dan tur te bakah an mawhphurna te leh pawimawhna te a sawi a, chawhnu lamah he project chungchang inzirtirna leh sawiho hun hman bawk a ni.
