1398/2022-2023
Kolasib dated 28th July 2022: Vawiin chawhnu khan DC Conference Hall, Kolasibah Maternal & Child Health Review Meeting neih a ni a. Thutkhawmna a tarlan danin naupang kum 5 hnuai lam kum 2020-21 khan 27 leh kum 2021-22 chhung khan 31 thi an awm.
Kum 2021-22 chhunga naupang thi zing a 10 chu kar khat tling lo niin thla 1 leh kum 1 inkar thi 12 an awm a. District Hospital-a thi hi 19 awmin in lam a thi 1 a awm bawk a ni. Naupang thih chhan tarlan zing a tam ber chu Pneumonia leh Birth Asphyxia/ Respiratory Failure vang a ni a, hun kaihruaitu Pu John LT Sanga, Deputy Commissioner chuan hengte hi zirchiana a țul anga hma la thuai turin member-te a chah.
Dr. Lalawmpuia Chhangte, Chief Medical Officer chuan distrcit dangte nena inel vang ni lovin Kolasib district mipuite hriselna kawng a hmasawnna an neih theih nan nausen, naupang leh nu nau pai thihna tih tlem kawngah mahni hmazawnah țheuh theihtawp chhuah turin member-te a ngen bawk a ni.
Dr R.K.Lalthlamuana, Senior Medical Officer tarlan danin Kolasib district-ah 27th July 2022 thleng khan Covid Vaccine 1st Dose kum 18 chung lam mi za zel a 97.24-te pek tawh an ni a, 2nd Dose 81.43 leh 3rd Dose mi za zel ah 7 pek tawh an ni. Natna 11 ven nan Vaccine 13 pek thin a nih thu leh Polio, Measles leh Diptheria te hi thli tlai uluk bik a nih thu a sawi a. June 2022 thleng khan naupang vaccine thei bituk atanga vaccine la kim 329 an awm tawh a, pek tur bituk atanga za zel a 85 vel pe tawh anga chhut a ni.
Vawiin țhutkhawmnaah hian District Medical Superintendent, Senior Medical Officer, Primary Health Centre-a Medical Officer-te, DPO leh Surveillance Medical Officer, WHO, India te an tel a ni.
Attachment
- Loading attachment...
