No.7328/2020-2021

Vawiin chawhnu khan DC Conference Hall, Kolasibah Election Commission of India (ECI) din champhaphak lawmna hun National Voters’ Day (NVD) tum 11-na hman a ni a, ‘Making our voters empowered, Vigilant, Safe and Informed’ tih thupui a hman niin kum tling thar mi 10-te hnenah EPIC semchhuahna hun hman a ni a. Kum kalta chhung a Kolasib district huam chhung a BLO titha zual mi pathum thlan chhuahte hnenah lawmman sem a ni bawk.

Khuallian Dr.H.Lalthlangliana, District Election Officer chuan ram  hruaitu thlan chhuah kawnga ram danpui hnuaia chanvo pawimawh tak kan neih chu kan duhthlanna zalen leh dik tak a hman a nih thu sawiin,” Sakhuanate, hmel hmang, vun rawng leh hnam ang zawngte a inthliarna awm hauh lovin inthlanna chu mimal duhthlanna ngei a kalpui tur a ni,” a ti. DEO chuan inthlanna thianghlim leh felfai kalpui tur chuan mi tinin mawhphurna kan neih thu sawiin, rilru dik leh fim pu chunga duhthlanna dik hman thin a pawimawh thu sawiin kalkhawmte chu vote thlak ngai pawimawh theuh turin a chah bawk a ni.

Vawiin NVD lawmna hun hi Pu. Vanlalchhuanawma Chawngthu, Election Officer-in kaihruaiin Kolasib district chhunga Electoral Officer tha berah Pu. Isaac C.Lalrempuia, SDO(C), Vairengte thlan a ni a, Booth Level Officer titha zual 3, Pu. Hmingthankhuma, Khamrang BLO, Pu. Lalremkima, Tumpui-II BLO leh Pi. Zosangzuali, Saiphai BLO te hnenah lawmman hlanna hun neih a ni bawk a. Chief Election Commissioner (CEC) Pu Sunil Arora thuchah ngaihthlakna hun hman niin kalkhawmte chuan National Voters’ Day thutiam an la bawk a ni. PwD voter chawimawina hun neih a ni a, Pu.Lallawmawma, Addl. DC in lawmthu sawina hun a hmang bawk a ni.