Vawiin khan Kolasib District chhunga Oil Palm chingtute inhmuhkhawmna, Godrej Oil Palm Limited buatsaihin Project Venga AMFU Conference Hall-ah neih a ni a. He hun hi GOPL Scientist Dr. V.M. Reddy chuan a hmanpui a. Oil Palm chingtuten harsatna an tawh chi hrang hrangte sawi ho a ni.

Pu Lalvensanga Pachuau, Sr. Executive, GOPL chuan he hun hi a kaihruai a. Kolasib District chhunga Oil Palm chinna kawnga hmalak tawh dan leh a chingtute tana hriattur thil hrang hrang te a sawi a. April-June 2010 chhung khan Kolasib District chhunga Oil Palm chingtute hnen atangin a rah 50 Mt. Godrej Company chuan a leisak tawh a. Tunhnaiah leh tun dinhmun thleng pawhin thahnem tak an lei leh tawh a ni. Oil Palm herna khawl, Factory bun turin tunah hian ruahmanna a kal mek a, Bukvannei-ah bun tura tih a niin nakkum 2012 March thla khian bun hman tum a ni.

Dr. V.M. Reddy hi sawrkar laipuii Mizoramah Oil Palm a chin theih dawn leh dawn loh enfiah tura tun hma lama rawn kal tawh a niin Central sawrkara report a thehluh dungzuiin Mizoramah hian chin chhoh a ni a. Kum 2004 khan a chin theih ang tiin a recommend a ni.