Sorkar laipui hmalakna in Mizo Peace Accord ziahfel a nih champhaphak vawi 25-na lawmna New Delhi-ah neih a ni dawn.
He remna ni puala hun hman turah sorkar laipui chuan Mizoram atangin hnam lam leh zai bakah Peace Accord lam hawi Photo Exhibition nei turin a beisei a. Vawiin khan GAD Secretary Pi Renu Sharma IAS hovin a pisaah I&PR leh Art &Culture Department hotuten hmalak dan tur ngaihtuahin an thukhawm. Centre for Cultural Resources and Training complex, Dwarka, New Delhi ah July thla tawp hun remchangah he hun hi hman tum a ni.
