Kolasib District Planning Committee chu vawiin khan DC Conference Hall-ah a vawikhat nan an thukhawm a, District Bawrhsap Dr. Arun T, IAS chu chairman niin thutkhawm hi a kaihruai a ni. 

District Planning Committee hian district chhunga hmasawnna hmalakna te Department hrang hrang te tangkawpa thawh tur a duang anga, heng khaw bil mamawh, zirna, hriselna, agriculture & allied sector, tourism, social justice, tui thianghlim, industries leh a kaihnawih dangte tih hmasawnna atana ruahmanna mumal zawk siam tura duan a ni a. Heng bakah hian District tan kum 15 daih tur Visual Document buatsaih te a tel ang. 

Distric Planning Committee ah hian District a line department a head of office theuh te bakah tlawmngai pawlte an tel a. District a bialtu MLA pathum te pawh member niin, vawiin meeting-ah hian Kolasib bialtu MLA Pu PC Zoram Sangliana a tel a ni. Thutkhawm hi thlathum danah neih thin  a ni ang.