2673/2024-2025

Kolasib: Dated the 24th October, 2024: Vawiin khan Taitesena Hall, Venglai Kolasibah Mizoram Bharat Scouts and Guides Kolasib District President atan Pu Robert C. Lalhmangaiha Deputy Commissioner, Kolasib District ni bawk chu lakluhna neih a ni.

Pu Vanlalchhana, DEO & District Chief Commissioner Kolasib District kaihhruai ah hian District President atan lakluh Kolasib Bawrhsap Pu Robert C. Lalhmangaiha chuan khua leh tui ṭha ni tura inzirtirna tura pawl din Scouts and Guides member te chu dikna, rinawmna leh taimakna nen ram tan leh hnam tana tih theih tawk ti a, midangte ṭanpuina kawngah pawh  theihtawp chhuaha, Pathian ring chunga hmalam pana kal zel turin a fuih nghal a ni.

Kolasib District Scouts and Guides te hian ni 23.10.2024 aṭang khan Tritiya Sopan Testing Camp buatsaihin Kolasib Town area chhunga Scouts and Guides 75 velin testing camp hi an hmachhawn a. A kharna hun programme chu ni  25.10.2024 ah neih tura ruahman a ni bawk.

Tritiya Sopan Testing Camp ah hian Knots, First aid, Flag, Law and Promise bakah thil hrang hrang an test a ni.