452/2024-2025

Kolasib dated 10th May 2024: Vawiin chawhma khan DC Conference Hall, Kolasibah District Skill Development Plan 2024-25 kalpui dan tur relin District Skill Committee chuan thutkhawmna an nei a. Pu John LT Sanga, Deputy Commissioner chuan hun kaihruaiin Pu Gilbert Lalhlimpuia, SDC chuan District Skill Development Plan 2024-25 duan kawng a hriattur pawimawh tarlanna hun a nei bawk a ni.

Pu John LT Sanga, Deputy Commissioner chuan Kolasib district chhung a thalai, tha chhawr theih rual ten mumal zawk a sum an hai luh ve theih nan thiamthil chhawrtlak an neih a pawimawh thu sawiin chumi tur chuan District Skill Development Plan 2024-25 chu tangkai tak a hman a nih tur thu a sawi a. He hmalakna hian thalaite tan eizawnna a siam sak mai piah lam ah thiamthil hmantlak an neihna chuan ram tan hmasawnna nasa tak a thlen phah tur thu a sawi bawk a ni.

Vawiin thutkhawmna ah hian District Skill Development Plan 2023-24 kalpui dan thlirletna hun neih a ni a. School 13-ah zirlaite tan Trade hrang hrang ah Vocational Education pek thin an nih thu te, Govt. Kolasib College-ah zirlaite tan an zirlai piah lam ah Vocational Course kalpui tur a ruahmanna siam mek a nih thu te ngaihthlak a ni a. LPG Home Delivery zau zawk a kalpui dan tur te, ‘House Maid’ training buatsaih dan tur te, Veterinary Field Assistant leh Private Artificial Inseminator tur a zirirtna pek dan tur leh Agriculture Department hnuai a Tractor Operator leh Soil Test tithei tur mamawh a nih dan te sawi ho a ni a. Thingdawl leh Bilkhawthlir RD Block hnuai a Deen Dayal Upadhyaya Grameen Kaushalya Yojana (DDU-GKY) kaltlang a thalaite tan Training pek a nih thin dan te sawi ho a ni. Thutkhawmnaah hian Addl. DC, Project Director, DRDO, Principal, Govt. Kolasib College, District Urban Development Officer, District Education Officer, District Local Administration Officer, District Agriculture Officer, District Fisheries Development Officer, Sr. Chief Medical Officer, Centre Director, Jordan Centre, District AH & Vety Officer, Functional Manager, District Industries Centre, Block Development Officer leh sawm bik mi thenkhat an tel a ni.