1021/2023-2024

Kolasib dated 4th July 2023: Sports chi hrang 19 inziahluhna Kolasib District Sports Committee chuan vawiin khan DC Conference Hall-ah Kolasib district-a infiamna chi hrang hrang tih hmasawnna tur, Promotional Fund sem chhuah dan tur chungchangah thutkhawmna an nei a. Pu John LT Sanga, Chairman, District Sports Committee, Deputy Commissioner ni bawk chuan hun kaihruaiin Sports Association hrang hrang a hruaitute an tel a ni.

Vawiin thutkhawm ah hian infiamna chi hrang hrang tih hmasawn nan a District Sports & Youth Office kaltlang a Promotional Fund hmuh dan tarlan niin kum 2023-24 chhung a Sports Association hrang hrang mamawh dan sawi hona neih a ni. Infiamna thenkhat, hmunhma, khelmual leh bungrua nei changtlung tawh sa an awm laiin infiamna thenkhat erawh mi te hmelhriat loh leh dawmkan ngai engemaw zah a la awm thu sawi niin Promotional Fund semchhuah kawng ah pawh hengte hi ngaihtuah tel a tul thu sawi a ni a. Awmze nei tak a Promotional fund hman a nih theih nan leh hun lo la kal zel tur atan a ruahmanna fel zawk siam a nih theih nan Sports Association hruaituten an hmalakna report buatsaih a District Sports Committee hnen ah thehlut thin turin thutkhawmnaah hian rel a ni bawk. Kolasib District chhung a Sports Association thenkhat harsatnate sawi ho niin Promotional Fund dawng tur hian Sports Association inziaklut thar Muay Thai chu rin luh tel an ni bawk a ni.

Promotional Fund dawng tur a Sports Association 19 inziaklutte chu Football, Volleyball, Basketball, Taekwondo, Wrestling, Badminton, Table Tennis, Boxing, Chess, Hockey, Karate, Body Building & Fitness, Power Lifting, Tug of War, Tennis, Rifle, Athletics, Arm Wrestling leh Muay Thai-te an ni a. Kum 2023-24 atan Kolasib District Sports Promotional Fund atan cheng 2,24,400 hmuh a ni.