1022/2023-2024

Mamit 4th July, 2023 : Vawiin khan DC Conference Hall, Mamit-ah Pu C. Lalrosanga, Hon'ble MP (LS) Chairman, Mamit District Development Coordination & Monitoring Committee (DISHA) hovin meeting neih a ni a. Pu Lalrintluanga, Dampa bialtu MLA, Deputy Govt. Chief Whip, Er. H. Lalzirliana, Mamit bialtu MLA, Vice Chairman, Road & Infrastructure Development Board, Pu V. L. Remliana, Mamit District Bawrhsap, DISHA Member Secretary leh DISHA member-te vawiin thutkhawmah hian an tel a ni.

Meeting-ah hian Mamit District chhunga Department hrang hrang hnuaia Central Scheme PMGSY, PMGSY-II, NRDWP/JJM, National Health Mission (NHM), Samagra Shiksha, PMMVY/NSAP/ICDS, (PMUY)- LPG, Aspirational District/PMKVY/SCS, Infrastructure related Programme - Telecom, PMAY (Housing for all) - Urban bakah MGNREGS/PMAY-G/DDU-GKY/MzSRLM/PMKSY2.0, PIA-Mamit-II/BADP hnuaia hmalakna hrang hrangte line department te'n an hnathawh mek leh an hmachhawpte presentation neih a ni a. An harsatna hrang hrangte sawi khawm niin a tul anga bawhzui turin thuneitu sang zawkah thlen nise tih a ni.

MGNREGS hnuaiah Kum 2022-23 chhungin Ni 100 inhlawhna siam tawh a nih thu tarlan a ni a. Tuna Sawrkar kum kal mek 2023-24 -ah Reiek leh Zawlnuam Block-ah Ni 14, W. Phaileng Block-ah Ni 15 leh Kawrtethawveng RD Block-ah Ni 13 inhlawhna siam tawh a ni. Tun dinhmunah Mamit District-ah Job Card 22340 a awm mek a ni. Jal Jeevan Mission (JJM) hnuaiah khaw 91-a chhungkaw 18171 te chu tui connection pek an ni a. Mamit WATSAN Division chuan Fastest Moving Achievers-ah pakhatna a hmuh leh Best Performing Achievers-a pahnihna a hmuh thu tarlan a ni. Kum 2022-23 kal mekah PMGSY PWD Mamit Division hnuaiah Phuldungsei - Parvatui Road 100% target-ah 75% thawh tawh a ni a. Tuipuibari - Andermanik road 95% thawh tawh niin Andermanik - N.Belkhai road 40% thawh tawh a nih thu tarlan a ni bawk.

National Health Mission (NHM) Mamit District hnuaiah khaw 90 a mihring 100867 tuam mek a ni a. Tun hnaiah Population wise-a mihring thi tlem ber Health Minister Award lawmman pakhatna dawn a nih thu tarlan a ni. Samagra Shiksha Mamit District hmalakna hrang hrang tarlan niin Quality Intervention 2022-23 hnuaia hmalakna sawmpariat (18) te thlirho niin District chhung School pariat (8) -ah Vocational Education kalpui mek a ni. PMUY LPG Connection Mamit District-ah 5840 tih tawh a nih thu tarlan a ni bawk.

Mamit District-in an hnathawh that avanga Award a dawnte Committee chuan lawmawm a ti hle a. Line Department hrang hrangte chu hmachhawp hrang hrang awmah te theihtawpchhuaha hmala chhunzawm zel turin a chah bawk a ni.

Vawiin DISHA meeting-ah hian DISHA Member-te bakah khawtlang hruaitu leh tlawmngai pawl hrang hrang aiawhte an tel bawk a ni.