No.3426/2021-2022

Aizawl the16th December 2021: Vote thlak thei tur a kum 18 tling tharte leh tling mai turte hnen a Electoral Roll-a inziahluh dan leh Election chungchang inzirtirna hun Kolasib district chhunga Higher Secondary School zirlaite hnen a kalpui mek, ‘Kolasib District SVEEP Voter Awareness Campaign 2021’ kharna chu vawiin khan Bilkhawthlir Higher Secondary School zirlaite leh zirtirtute nen hman a ni a. Pu Hmingthanzuala, Nodal Officer, SVEEP chuan hun kaihruaiin Pi Lalruatpuii Hnamte, SDC chuan Election chungchanga hraittur pawimawh hrang hrangah zirtirna a pe a ni.

Mipui rorelna leh duhthlanna langchhuak tur chuan India danpuiin puitling a a chhiar kum 18 tling tawh te chuan Vote an thlak theihna turin a hun tak a Electoral Roll-a an hming an ziah luh a pawimawh thu Pu Hmingthanzuala, Nodal Officer, SVEEP chuan a sawi a. Mipui rorelna tha a awm theih nan leh kum 18 tling thar ten duhthlanna fim tak an hman theih nan Systemic Voters Education & Electoral Participation (SVEEP) kaltlangin Awareness Campaign chu buatsaih a nih thu a sawi bawk a ni.

Pi Lalruatpui Hnamte, SDC chuan Vote thlak pawimawhna leh Vote thlak turte hraittur pawimawh hrang hrang sawi zauna hun hmangin Electoral Roll-a inziaklut thar turte zawm tur, Electoral Roll-a hming chuanna Assembly Constituency thlak leh hming paih dawn a hriattur zirtirna hun a hmang a. Mobile Phone kaltlanga Voter Helpline hmang a Online registration tih dan inhrilhhriatna hun hman a ni bawk.
District Election Office, Kolasib hnuai a SVEEP Awareness Campaign hi Bairabi, Vairengte leh Bilkhawthlir Higher Secondary School-a kalpui niin Electronic Media kaltlangin zirtirna hi kalpui tel a ni.