No.3425/2021-2022

Aizawl 16th December, 2021 : Vawiin khan AR Ground, Aizawl-ah Swarnim Varsh-cum-Ex-Servicemen Re-Union chu Home Minister Pu Lalchamliana chu khuallian niin, he hun hi a hmanpui a.

Khuallian Pu Lalchamliana chuan India in 1971 indona a Pakistan a hnehna kum 50 na- Swarnim Vijay Varsh Celebration leh ex-servicemen reunion programme buatsaihtute chungah lawmthu a sawi a. Tukin khan War Memorial, Treasury Square ah ram tana nunna hlan ta te zahna pangpar dah a ni tawh thu tarlangin, vawiinah hian indona hrang hranga sipai nun hlan te, sipai tanglai te leh sipai pension (ex-servicemen) te indona avanga an thihsan te, an nupui fanaute sawrkarin a hriatreng thu leh tun hnaia Col. Viplay Tripathi, Commanding Officer, 46 Assam Rifles leh a chhungten thihna chu a tawrhpui thu a sawi a. Helicopter accident a thi Chief of Defence Staff General Bipin Rawat leh mi 13 nunna chanta te a tawrhpui bakah tun hnaia Mizo Army Officer tling Lalrinawma Sailo leh Malsawmzuala te chu a lawmpui tak zet zet thu a sawi a. Assam Rifles ten Mizo thalai te tan coaching an buatsaih thin chu lawmawm a tih thu leh officer rank mai bakah rank hniamah te pawh mizo thalaite lut zel se, a duh thu a sawi a, India sipai a luh tuma bei ngat ngat te hnenah hlawhtlinna an neih ngei theihnan duhsakna a hlan a ni. Home Minister chuan Sainik Welfare and Resettlement Department ten Coffee Table Book mawihnai tak an buatsaih chu a lawmpui thu a sawi bawk a ni.

He hun hi Col. John Zama, President, MESL HQ chuan kaihruaiin, Surg Lt. Cdr Lalnuntluanga (Retd), Director, SW&R hnen atangin report ngaihthlak a ni a, he hun hi Maj Rebecca L.Chhakchhuak (Retd), DSW&RO, Aizawl in lawmthu sawiin he hun hi a khar a ni.