2092/2026-2027

Kolasib, 7th September, 2026: Election Commission of India (ECI) kaihhruaina hnuaia Mizoram puma Special Intensive Revision (SIR) 2026 kalpui zawh takah, vawiin khan Kolasib District chhunga Assembly Constituency pathumte atana Final Electoral Roll chu District Election Officer (DEO) leh Kolasib Bawrhsap ni bawk, Pu H. Dolianbuaia chuan DC Conference Hall, Kolasib-ah a tlangzarh.

Vawiina Final Roll tlangzarh takin a tarlan danin, Kolasib District chhunga Assembly Constituency pathuma vote nei zawng zawng chu mi 59,943 an ni a. Mipa 28,804 leh hmeichhia 31,139 an awm a ni. Draft Roll-a lang nen khaikhinin, a pumpuiah vote 1,397 (2.28%) in a kiam a ni.

Assembly Constituency mal dinhmun chu hetiang hi a ni:

4-Tuirial (ST) AC: Mipa 8,588 leh Hmeichhia 9,032 awmin, an vaiin 17,620 an ni a. Draft Roll aiin mi 99 (0.56%) in an kiam.

5-Kolasib (ST) AC: Mipa 10,508 leh Hmeichhia 11,977 awmin, an vaiin 22,485 an ni a. Draft Roll aiin mi 467 (2.04%) in an kiam.

6-Serlui (ST) AC: Mipa 9,708 leh Hmeichhia 10,130 awmin, an vaiin 19,838 an ni a. Draft Roll aiin mi 831 (4.02%) in an kiam.

Form hrang hrang thehluh zat:

Form 6 (Thun tharna): 1,782

Form 7 : 257

Form 7 (AC danga insawn avanga paih): 130

Form 7 (Ineligible avanga paih): 2,819

Total Form 7 (Paih zawng zawng): 3,206

Form 8 (AC pawn atanga rawn insawn lut): 87

DEO Pu H. Dolianbuaia chuan Final Roll peihfel a nih theihna tura thawktute taima taka an thawh avangin lawmthu a sawi a. "SIR hi kalphung neia thiltih a nih vangin leh Roll dik tak leh thianghlim tak neih theihna tur a nih avangin a percentage lo tla thla pawh a awm thei a. Hetah hian rilru tihhnual loh tur a ni," a ti. He Roll peihfel a nih theih nana election official-te bakah political party te, NGO, khawtlang leh kohhran hruaitute leh mitin tha lo thawhtute lawmthu a hrilh bawk a ni.

He hunah hian DEO chuan political party hrang hrang aiawhte hnenah Final Roll copy khat theuh a hlan a ni.

Vawiin Final Roll tlangzarhna hi Pu Chinlianmanga, Election Officer chuan a kaihruai a, Koalsib District a,ERO, AERO, Political party, NGO te leh MPF aiawhte an tel a ni.