No.1059/2021-2022 

Kolasib dated 21st June 2021: Vawiin chawhma khan DIPRO Conference Hall, Project Veng, Kolasibah Kolasib district chhung a Covid-19 hrileng do nana inkhuahkhirna kalpui dan thlir letna hun hman a ni a, Dr.H.Lalthlangliana, Deputy Commissioner-in kaihruaiin Zonal Executive Magistrate, Executive Duty on Covid-19 Team Leader-te leh Joint Village Level Task Force hruaitute an tel a ni.

Hun kaihruaitu Dr.H.Lalthlangliana, Deputy Commissioner chuan khawtlang himna atan a pen chhuak VLTF-te, hrileng dona atan a inkhuahkhirhna lek kawh kawnga hmanraw pawimawh tak, Executive Duty on Covid-19 member-te leh Kolasib district bial hrang hrang viltu Zonal Executive Magistrate-te chungah tun thleng a harsatna lian tham awm lova thawh hona tha tak kalpui thin a ni chu lawmawm a tih thu a sawi a. Hmalakna hrang hrangte sawt zawk a kalpui a nih theih nan leh mawhphurnate inhrilhhriat nawnna atan thutkhawmna hi buatsaih a nih thu a sawi.

Kolasib khaw chhung kawngpui dung leh hmun ualau lai 12-ah sawrkar hnathawkte chu Executive Duty on Covid-19 atan a ruat an ni a, heng hmun ahte hian Team 24 ten ngawrh takin mipui leh lirthei tul lova teihawi awm tur an vil thin a ni. VLTF-te leh Executive Duty-te sawt zawk a thawhho dan tur te, duty-na hmun siamthat ngaite leh nitin mamawh phur motor lian khaw hnaih a ding lo tur a hmalak chhunzawm dan turte sawi ho a ni a. Kolasib khaw pawn a Covid-19 vaccine kalpui dan tur te rel niin vaccine thlen belh hunah Vaccination Team-ten khaw hrang hrang pan chilh a vaccine pek an kalpui dan turte sawi a ni bawk.

Attachment

  • Loading attachment...