No.1058/2021-2022
Aizawl 21st June 2021: Mizoramin hun khirh tak a tawk mek a, hripui leng karah hun pangngai angin tui bill pekna (counter) hawn a remchang lo a. Hetih mek lai hian tui bill pek hi a khaihlak a rem si loh avangin Online hmanga tui bill pek dan pawh tui hmangtu (consumer) te hriatthiam awl turin inzirtirna neih chhoh mek a ni.
Heti chung hian hripui len hmaa tui bill thla thum chhung pe remchang thei lo leh thildang avanga tui connection tihtawp lailawk engemaw zat a awm a. Tui Connection disconnect a lo awm a nih pawh in re-connection hun hi a remchang ang zela ruahman a ni ang a, online hmanga tui bill hi internet chak lo leh thil dang avanga pe thei lo te tan pawh pekna hun remchang sawrkar SOP zawm chungin a tul ang zela siam tur a ni ang.
He hripui len zual chhung hi chuan pekna hun ruat bik chhunga pe thei lo tan pawh remchang dang ruahman zel a ni ang. Tun hripui leng inkharkhipna (lockdown) kalpui chhung hian Mizoram sorkar chuan mipuite tui nghei hi a phal dawn lova, dan anga thla thum chhung tui bill pe remchang thei lo pawh ni se an connection titawp(disconnect) rih lo turin hma a la mek bawk a ni.
