Vawiin khan Kolasib Bawrhsap Pisa pindan ah Bawrhsap hoin Kolasib District a Road Safety week hman dan tur rel a ni.

He hunah hian Road Safety Week vawi 30 na chu ni 27.5.2019 atanga 2.6.2019 thleng hman tura rel niin a hawnna programme chu May ni 27 zing dar 7, Kolasib Diakkawn Square ah Kolasib Bawrhsap khuallian na hnuaiah hman nise, he hapta chhung hian khauh taka zero tolerance kalpui nise driving license neilo, rui chunga lirthei thunun bakah lamlian zawh laia dan leh hrai zawm lo te chu uluk taka vai ni se, dan bawhchhia man te chungah khauh taka dan lekkawh nise, hemi bakah hian Traffic dan leh hrai inziahna lehkha phek sem leh banner tar nise tia rel ani a, Ngaihnatthiamna awmlohna hapta chu Kolasib khawpui bakah Kolasib District a sub-division headquarters pahnih kawnpui leh Vairengte ah te Police, transport leh excise lam ten khauh taka kengkawh turin thutlukna siam bawk a ni.

He hunah hian Transport, Medical, Police leh Excise aiawh te an tel a ni.