Vawiin chhun dar 12:00 khan Pu K. Saitluanga, MIS, District Information & Public Relations Officer, Serchhip chuan a Pisaah Mizoram sawrkarin Accredited Journalist atana a thlan thar mi 10 te hnenah Press Accreditation Card a hlan.

Accreditation Card inhlanna inkhawm tawiah hian Pu K. Saitluanga, MIS, DIPRO chuan chanchinbu mite nena thawh hona tha tak an nei chu lawmawm a tih thu a sawi a, mipui tana thawk an nihna hriaa mipuite a tha ber zel chhawpchhuah sak thin tum tlat turin a ngen a ni. Tun hnaia MIS Officers ten IIMC Delhi a training an zu neihna chanchin tlangpui leh thla hmasa lawka Serchhip MJA te tana Tuirial HEP tlawha Tour an buatsaih sak chungchang te, Serchhip Press Club sak mek chungchang te a sawi lang bawk.

He hunah hian Pu C. Ramengmawia, President, Mizoram Journalist Association, Serchhip District chuan thu sawiin Mizoram sawrkarin Accredited Journalist atana Serchhip District chhunga chanchinbu mite zinga mi 10 a rawn thlang chu lawmawm a tih thu a sawi a, thla hmasa lawka Tuirial HEP tlawh theihna remchang an siam sak avangin sawrkar chungah lawmthu a sawi a, Serchhip Press Club sak mek pawh chak taka kalpui zel a nih thu sawiin Serchhip district MJA te hian sawrkar duhsakna kan dawng nasa a kan lawm em em a ni, a ti.

Vawiina Press Accreditation Card hlan thar te hi Serchhip khaw chhunga Chanchinbu enkawltu mi 9 leh Thawnzawla chanchinbu enkawltu mi 1, an vaiin 10 an ni.

Attachment

  • Loading attachment...