Vawiin hi India rampumah ‘Anti-Terrorism Day’ hman a nih angin Mizoram hmun hrang hranga sorkar pisa-ah te pawh hi Ni puala thutiam (pledge) sawirualna neih a ni a. Mizoram Secretariat, New Capital Complex kawtzawlah Chief Secretary Pu Lalnunmawia Chuaungo kaihhruainain ‘Anti-Terrorism Day Pledge’ sawiho a ni a. Secretariat Annexe Building kawtah Secretary Pu Rodney L.Ralte kaihhruainin thutiam sawina hun hman a ni thung.

Mizoram Legislative Assembly Secretariat Officers leh Staff te pawhin Assembly House, Main Building, Ground Floor-ah Commissioner & Secretary Pu S.R.Zokhuma kaihhruaiin thu tiamna an nei a. Sorkar Department tin office-ah ‘Anti-Terrorism Pledge’ hi sorkar hnathawk zawng zawngten an sawirual a ni.

India ramah chuan kum tinin May ni 21 hi Prime Minister hlui Pu Rajiv Gandhi thih ni hriatreng nan leh terrorism duh lo entirna Ni ‘Anti-Terrorism Day’ atan hman a ni.