Vawiin khan Lok Sabha inthlan zawh taka vote tla chhiartu turte pualin vote chhiar chhinna hun, Mock Counting chu Champhai DC Office area Counting Centre chhunga Counting Hall pangaahte neih a a.  Inthlan ni a Counting Hall hrang hranga vote chhiar leh a kaihhnawiha duty tur Staff-te hnenah mawhphurhna leh tul dangte inhrilhhriatna hun neih a ni bawk.   

Mock Counting-ah hian  Counting Supervisor, Counting Assistant leh Data Entry Operator ten ARO, Assistant to ARO-te kaihhruainain EVM Vote tla leh VVPAT Slip te chhiar chhinna an nei a ni.  Lok Sabha inthlan neih zawh taka vote tlate chhiar tur hian May Ni 23, 2019 zing dar 7:30 ah Strong Room-te hawn a ni ang a, zing  dar 8 atangin Vote tlate chhiar tan tur a ni ang.  Champhai District chhunga Assembly Constituency panga  tan Counting Supervisor 34, Counting Assistant 34 leh Micro-Observer 32 te ruat an ni.

Ruahman dan chuan 21-Lengteng (ST) A/C (PS 27) biala Vote tlate chu DC Office General Room Part A-ah Counting Table 6 hmangin   round 5 chhunga chhiar zawh  tum a ni a. 22-Tuichang (ST) A/C (PS 26) a vote tlate chu Election Room No 2-ah chhiar tur niin, Counting Table 6  hmangin round 5 chhunga chhiar zawh hman tum a ni.

23-Champhai North (ST) A/C (PS 30) a vote tlate chu  DC Conference Room-ah chhiar a ni  ang a, Counting Table  6 awmin,  round 5 chhunga chhiar zawh hman tum a ni a. 24-Champhai South (ST) A/C (PS 25) biala vote tlate chu  General Room Part B-ah Counting Table 5 hmangin  round 5 chhunga chhiar zawh hman  tum a ni a. 25-East Tuipui (ST) A/C (PS 29) a vote tlate chu District Emergency Operation Centre (DEOC)-ah Counting Table 6 hmangin  round 5 chhunga chhiar zawh hman tum a ni bawk.

Champhai District chhunga Assembly Constituency 5 awmah Polling Station 137 a awm a, EVM vote tlate chhiarna tur hian Counting Table  29 a awm dawn a,   vote tla zawng zawng chhiar zo tur hian round 25 a ngai dawn a ni. Heng bakah hian Assembly Constituency tin atangin Polling Station engemaw ber a hmuna thlanchhuah 5 atanga VVPAT Paper Slip-te a tahtawl zela chhiar  a ni bawk ang.