Vawiin khan Kolasib District draft electoral roll 2018 phochhuahna neih a ni.

He draft electoral roll ah hian Tuirial Assembly Constituency ah vote nei 16515 awmin mipa 8183 hmeichhia 8332 an ni a. Kolasib Assembly Constituency vote nei 21027 awmin mipa 10114 leh hmeichhia 10913 an ni a. Serlui Assembly Constituency ah vote nei 18187 awmin mipa 8991 leh hmeichhia 9196 an ni. District pumah vote nei zat 55729 niin, Tripura Transit Camp hrang hrang ah Bru Kolasib district a vote nei 1749 an awm a, Kolasib District chhung a khawsa zingah mi 1038 in vote an nei a ni.

Kolasib District ah polling station 78 a awm a. Roll hmasa atangin vote nei 653 in an pung a, punna hi 1.19% a ni. Kolasib District ah chhiarpui 2011 ah mihring 83955 an awm a roll tharber ah hian voters 55076 awm in mihring cheng zat nen khaikhin in 66.37% in vote an nei a ni.

Tarlan tawh angin draft roll tlangzarh atanga hming thunluh, paih leh siamthat duh nei te chuan bialtu BLO hnen atang form la chhuakin 15th September 2017 atanga 13th October 2017 thleng dilna thehluh theih a ni ang.