Kolasib-in kawng hrang a hma a sawn theih nana thawhhona tur te sawihovin, vawiin khan District Level Co-ordination Committee chu an Chairman District Bawrhsap Dr. Arun T. hovin DC Conference Hall, Kolasib-ah an thukhawm. 

Meeting-ah hian Dr. Arun T. chuan District huapa hmasawnna atana committee hrang hrang - District Development Committee, District Planning Committee leh a dangte bakah development hrang hrang ten thawhhona tha an neih theih nan District Level Co-ordination Committee din a nih thu sawiin, ngaihtuahna sen a tul thu a sawi a. Chhiatrupna thlen palha a thlawna biak theihna tur number duan mek pawh peih thuai a nih tur thu a sawi lang a ni. 

Committee hian hmasawnna ruhrel, khaw cheimawi leh dan te sep chungchanga hmalak dan tur te an sawiho a. District mipui ten District a development hrang hrang te hmalakna an duhkhawp lohna an lungawilohna awlsam zawk a an thlen theih nan ‘DC-Online’ SMS hmanga thlen theihna duan mek chu peihfel tep a nih tawh thu meeting-ah hian tarlan a ni a. Hei bakah hian mipuite harsatna chak zawka chinfel a nih theih nan ‘Mipuite Aw’ - mipui ten a hmun ngeia an thlen theihna tur huang siam a ni a. He ‘Mipui Aw’ hi 1st June, 2017 DC Conference Hall, Kolasib hman tan a ni ang a, hetah hian mipui ten an duh leh mamawh te bakah an lungawilohna te an thlen theih dawn a ni.