UD&PA Department hmalakna hnuaia New Secretariat Complex chhunga Multi Level Car Parking sak tum chungchangah vawiin khan UD&PA Minister Pu Zodintluanga hovin a pisaah UD&PA, SAD leh GAD hotute an thukhawm.

Minister Pu Zodintluanga chuan multi-level car parking sak tum hi zawh a nih chuan Mizorama a lian ber a nih tur thu sawiin, New Secretariat Complex-a thawkte leh dawrtute tana tangkai leh pawimawh tak tur a la nih dawn avangin a bulthut atangin UD&PA Department mai bakah SAD leh GAD tawiawmna chu pawimawh a tih thu a sawi a.

DoNER kaltlanga cheng nuai 3601 senga sak tum Multi Level Car Parking hi New Secretariat building bulhnaia sak tur niin, metre 8000 bial a zau a awh ang a. Building sak dan tur ruahmanna ah chuan basement pali bakah chhawng thum dang awmin, "car parking norms" in a beisei dan anga chhut chuan lirthei 545 (car 435 leh 2-wheeler 110) dah len theih tura chhut a ni.