Vawiin chawhma dar 11:00 khan sawrkar hnathawkten Anti-Terrorism Day pualin thutiam an chham a. New Secretariat Complex, Khatla kawtzawlah Chief Secretary, Pu Lalmalsawma, IAS chuan a kaihruai a, Secretariat Annexe - ah Pu Rodney L Ralte, IAS chuan kaihruaiin department dangte chuan anmahni department office-ah anti-terrorism day pual hian thutiam an chham a ni.

Anti – Terrorism Day hi May 21-ah hman thin niin kuminah chuan Pathianni-a a tlak avangin Mizoram sawrkar chuan vawiinah he hun hi a hmang a. National Anti-Terrorism Day hi India Prime Minister hlui Pu Rajiv Gandhi-a boral champhaah hman thin niin he ni pual hian ram chhung leh pawna India sawrkar pisa zawng zawng bakah Public Sector Undertaking-ah te tharum thawh lo tura intiamna leh inzirtirna neih thin a ni.