Kolasib Deputy Commissioner Pu R. Liankima hova India Independence Day 2010 Celebration Committee vawiina D.C. Conference Hall Kolasib-a thukhawm chuan zing dar 7 a Ceremonial function neih an rel.

I-Day hi Tumpui playground-ah hmangin zing dar 7 ah VIP in hnam puanzar a pawtparh ang a. He hunah hian sorkar department hotute leh an hnuaia thawk sorkar hnathawkte chu tel vek tura beisei an ni a. Mipui pawh tel tura ngen vek an ni. Kum tina tih thin AT HOME chu Pathianni a nih avangin neih loh nise tiin committee chuan a rel a. I-Day lawm nana Home leh damdawiina tanpuina pek thin chu department hrang hrang ten pawisa an phal ang an thawh tling khawm atanga pek leh nise tih committee chuan a rel.

Parade rehearsal neih hun atan 11,12 leh 13 August nise, ground pawh fur lai anih avangin balu-te dah belha uluk taka chei nise an ti.

Vawiin committee-ah hian Kolasib Department tinte an tel kim hle a ni.

Attachment

  • Loading attachment...