Vawiin chawhma dar 11:00 khan Lunglei Dist. High Power Committee Vice Chairman Pu Joseph Lalhimpuia chuan a bial chhung, Lunglei East Constituency huamchhunga YMA branch 15 te hnenah No tha tak a sem. 

Thusawiin, Pu Joseph Lalhimpuia chuan, Mizo ten YMA kan nei hi kan vannei hle a ti a. Tlawmngaihna chhawmnung tlat tu YMA hi Mizo tih tinuam tu a ni a ti. YMA chu kan ram siamthat nana thawktu lian ber a ni tiin, hetah hian politician, kohhran leh mi chi hrang hrang an leng a ni a ti. YMA chuan thlei bik leh thliar bik neih a thiang lo tih sawiin, sorkar pawhin a ring tawk a, kawng hrang hrang ah thawhpui ah a sawm thin a, sorkar rin tawk ang ngei hian rin tlak leh chhawr tlak nih zel i tum ang u tiin YMA Branch hrang hrang hruaitu te chu a chah bawk a ni. Pu Mahima chuan a bial chhung, Lunglei East huamchhung ah YMA Run leh Tuikhur siamna te pek a nih tawh thu sawiin, hei hi mimal hlawk nan leh hamthat nana tih a ni lova, khawtlang mipui te that nana tih a nih thu a sawi bawk a ni. Vawiin a Pu Mahima'n No a sem te hi YMA Branch 15 ten an mamawh ang leh member an tam dan a zir zel in pek chhuah an ni a. No tha chi, phai lam atanga chah chhuah, thingpui sa-ah pawh, sa tlang ve thei lo ang chi, No tha tak a ni. Hei bakah hian Pu Mahima chuan YMA Sub.Hqrs. Lunglei hnuaia Ruihhlo Dona kalpui mekah, anti-Drug Squad te hnenah, an hmalak nan Rs 5000 a pe a, YMA Branch 15 te hnenah hian Volleyball leh Net a pe bawk a ni.