Vawiin khan Parliamentary Secretary to CM Pu Lal Thanzara chuan Govt. Aizawl College a zirlai thar te lawmna leh zir chhuak ta te thlahna inkhawm Vanapa Hall ah a hmanpui.

Pu Lal Thanzara chuan zirlai te chu tum mumal an neih a pawimawh thu sawiin nakin lawka ram hruaitu la ni tur te tan taihmakna, thahnemngaihna, awmdanmawi neih leh ruihhlo laka fihlim a tul thu a sawi a. Govt. Aizawl College in anmahni building bak campus area an neih loh avanga UGC leh sorkar atanga grant hrang hrang an hmuh ve remchan thin loh thu leh Department hrang hrang a zirtirtu indaih loh chungchang an tarlan te chu chhangin Pu Lal Thanzara chuan heng an harsatna leh mamawh hrang hrang te chu a theih anga enpui leh ngaihtuah sak a tum thu a sawi.

Parliamentary Secy. chuan Govt. Aizawl College Magazine "Senhri" chu a tlangzarh nghal bawk a. He hun hmanpui tu dang H&TE Director Dr. H.L. Malsawma pawhin Mizoram a Higher Education tih changtlun na tur a an harsatna tawh te leh rawtna engemawzat a tarlang a ni.