177/2024-2025 

Kolasib dated 13th April 2024: Systemic Voters Education & Electoral Participation (SVEEP) kaltlang a mipuite hnen a Vote thlak pawimawh zia zirtirna chu Kolasib district hmun hrang hrang ah kalpui mek zel a ni a. Vawiin khan Kolasib Stadium, Project veng ah leh  Khuangpuilam Futsal Ground-ah a huhoin, vote thlak tur a thu tiam lakna hun neih a ni.

Ni 19 April 2024-a Lok Sabha MP inthlanna neih tur inbuatsaihna kal zel ah Kolasibah mipuiin vote thlak an ngaih pawimawh zual zel theih nan kawng hrang hrangin SVEEP kaltlang hian hmalakna kalpui a ni a. Election Model Code of Conduct bawhchhiatna thleng thei venpuina cVIGIL app, Candidate te chanchin kimchang en theihna KYC app leh Voter Helpline app hman dan inzirtirna te neih niin Kolasib hmun ualau laiah te inthlan ngai pawimawh tur a thuziak tar chhuah a ni. Polling Station a vote thlak tur a harsatna nei, kum 85 chung lam leh piangphung a rualban lote tan Home Voting kalpui tawh niin PwD voters-te nen vawiin chawhnu khan Khuangpuilam, Kolasibah Voters Pledge chham rualna hun hman a ni bawk.