176/2024-2025 

Dated: Aizawl, the 13th of April, 2024: Hon’ble Governor Dr Hari Babu Kambhampati chuan vawiin khan Bru Boisu 3-na chu Khual lian ni in Cultural Centre cum Auditorium, Vaivakawn ah a hmanpui. He lawmna hun a thupui(theme) chu “Joto yak romlai ye,phaidi jati no toisa lai na” ni in “Insuihkhawmin kan khawtlang I siamtha ang u” tihna a ni.

He hun ah hian Governor chuan Bru hnam tan a hun pawi mawh tak, an kumthar chinchhiahna “Boisu festival” a telpui thei chu lawmawm a tih thu a sawi. Governor chuan Bru hnam ten harsatna tam tak an tawh chu a tawrhpui thu a sawi a. Nimahsela harsatna kara an tawrhchhelna chu fakawm a tih thu sawiin, an kal zelna turah duhsakna a hlan bawk a ni. Governor chuan Bru khawtlang hruaitute chu Sawrkarlaipui in a schemes hrang hrang a duan -PM Jeevan Jyoti Bima Yojana, PM Suraksha Bima Yojana te leh a dang te chu ngaihven a, mipui ten an lo hrait zau zawka nan hma la tur in a fuih.

Governor chuan India ram ropui na ber chu hnam hrang hrang awm mah ila kan inpumkhatna hi a ni a ti a, he hnam inpumkhatna hi vawn nun zel pawimawh a tih thu a sawi bawk. Mitin te chu midang nunphung, hnam zia te zahthiam a nung tur in a fuih a. Hnam tin in lungrual a kan awm ho a tul thu sawiin, he mi kawngah hian hma kan sawn zel a tul thu a sawi bawk.

Vawiin programme ah hian Chakma community leh Bodo community aiawh te pawh an tel ve bawk. Boisu festival hi Bru tana kum thar chhinchhiahna a ni a, kum tin 13th to 15th April a lawm thin a ni. He hun ah hian mipa, hmeichhia, naupangte chuan zai leh lam in hun hlimawm tak an hmang thin a ni.