Vawiin khan D.C. Chamber-ah Kolasib District Development Committee chu an chairman District Bawrhsap Pu H. Lalengmawia IAS, hovin an thukhawm.

Vawiin meeting-ah hian District Development Committee chuan Kolasib khaw chhung (Internal Road) zauh dan tur leh hmalak dan tur an ngaihtuah a. Hemi chungchangah hian survey thawhkhatna 28th March, 2017 zingkarah neih a mumal taka a huamchin tur siam nise an ti a ni.

He survey hi Khuangpuilam veng a tan phawt tur niin, kawng zauh hna hi a tak taka kal pui a nih hunah Village Council ten Development Fund atangin a theih ang angin an bawhzui dawn a ni. Survey thawhkhatna hi DC, ASO leh surveyor te, VC te, YMA te leh District Development Committee hruaitu ten an nei ang.