2677/2026-2027

Kolasib, 14th October, 2026: Vawiin khan DC Conference Hall, Kolasib-ah Kolasib Bawrhsap Pu H. Dolianbuaia kaihhruaiin Kolasib (Mizoram) leh Cachar (Assam) District tangkawpa 'Inter Border Festival' buatsaih dan tur chungchang sawiho a ni.

Thutkhawm kaihruaitu Bawrhsap Pu H. Dolianbuaia chuan Border Festival buatsaih a nih chhan leh a pawimawhna tarlangin, thenawm state-te nena inlaichinna tha zawk, inunauna leh thlamuang zawka khawsak ho theih nan he festival hian awmze thuk tak a neih dawn thu a sawi a. He hun pawimawh tak hi hlawhtling leh felfai taka kalpui a nih theih nan mawhphurhna pekte chu theih tawp chhuah theuh turin a chah a ni.

Vawiin thutkhawmah hian Border Festival hun chhunga mawhphurhna hrang hrang la tur leh chanvo neitu turte (in-charge) ruat fel nghal an ni a. Festival atana infiamna , rimawi leh zai , hnam lam (cultural program) leh eitur zawrhna (food stall) buaipuitu turte ruatin, heng hun hman dan tur kalhmangte hi uluk taka sawiho nghal bawk a ni.

He festival , October ni 30 a neih tur ah hian infiamna hrang hrang - Futsal, Badminton, Volleyball leh Table Tennis te buatsaih tur anih bakah, hnam lam chi hrang hrang entir a ni ang a, ATMA leh MZSRLM  atangin  stall  hawn a ni dawn bawk a ni.

He thutkhawmah hian Pu Lalrinpuia Varte Kolasib Superintendent of Police, Addl. DC leh sorkar department thenkhat aiawhte bakah cultural, sports leh zaimi aiawhte an tel tha hle a ni.