No.7408/2020-2021

Vawiin chawhnu khan DC Kolasib pisaah Kolasib leh Cachar district thuneituten inkawmhona hun an hmang a, boruak ralmuang tak hnuai a inthlanna felfai kalpui a nih theih nan Cachar district aiawh a lo kalte chuan thawhhona tha an mamawh tur thu an sawi.

Pi Keerthi Jalli, DC, Cachar chuan ramri a boruak ralmuang siamna kawng a DC Kolasib hmalaknaah lawmthu sawiin inthlanna thianghlim leh felfai Assam ram a a awm theih nan dan phalloh bungrua, ruih theih thil leh pawisa tawlh luh ven a tul thu a sawi a, hemi kawngah DC, Kolasib nen thawhhona tha neih a pawimawh thu a sawi. DC, Cachar chuan inthlanpui neih tur atana inpuahchahna kawngah lirthei indaihlohna a nasat thu sawiin, hemi atan hian lirthei ruahman sak theih nise a duh thu DC Kolasib hnenah a thlen bawk a ni. 
Dr.H.lalthlangliana, DC Kolasib chuan thawhhona tha nei tur chuan indawrtawnna langtlang tak neih a tul thu a sawi a, ramri a boruak muanawm siam kawngah theihtawp a lo chhuahpui tur thu a sawi bawk a ni.

Deputy Commissioner pahnihte inkawmnaah hian SP, Addl.DC, Addl.SP, Asst. Commissioner, DTO, DIPRO leh official dangte an tel a, ramri a boruak muanawm a awm zel theihna turin thawhhona kalpui dan turte an sawi hova, Pu.V.Aggarwal, Asst. Commissioner, Cachar district in lawmthu sawina huna hmang bawk a ni.


Attachment

  • Loading attachment...