Ni 18th May, 2019 dar 2:00 pm a Kolasib District Development Committee thukhawm in a mipui ten district chhunga sorkar hmalakna leh department hrang hrang te hnathawhna a an lungawilohna leh rawtna an thlenna tur ‘Kolasib Mipui Aw” a din in a kaihhnawih leh huam tur te chu a hnuai ami ang hi a ni :
1. Thlatin thutkhawm: ‘Kolasib Mipui Aw’ hi thlatinin district a sorkar department hotute leh mipuite thutkhawmna tur a ni a. A hun leh hmun chu Deputy Commissioner, Kolasib-in a ruat thin ang. ‘Kolasib Mipui Aw’ thutkhawmna hmasaber tur chu ni 01.06.2017 (Thursday) dar 11:00 am-ah Deputy Commissioner Conference Hall, Kolasib-ah neih a ni ang.
2. Khua-leh-tui te thian: Khua-leh-tui ten Sorkar Pisa dawr kawngah buaina leh harsatna an tawk thei tih hriat a ni a. Kolasib Mipui Aw hi mipuiten sorkar department hrang hrang, a rual a awlsam tak leh rang zawka an dawr theihna tur a duan a ni.
3. Inrelbawlna tha tuh : Sorkar leh mipui inkara inlaihchinna tha tuha, inrelbawlna dik leh mumal siam hi a tum ber a ni a. He ‘Kolasib Mipui Aw’ hmang hian mipuiten rang zawk leh awlsam zawkin sorkar department te an dawr thei anga, langtlang sorkar a hrin chhuah ngei rin a ni.
4. Lungawilohna thawi damna dawhkan: Mipuiten an lungawilohna thuneihtute hnenah awlsam zawka an thlen theih nan leh hmalakna tur pawimawh te, rang takin he ‘Kolasib Mipui Aw’ hmang hian chinfel tum thin a ni ang. He dawhkan hi langtlang leh dik tura ruahman a ni a, mi tupawhin he hun hi chhimin thu an thlen thei dawn a ni.
5. Sorkar department hotu te leh vantlang mipui thutkhawmna: Kolasib a sorkar Department hotu zawng zawng bakah vantlang mipui a duh apiang ten hun ruat ni ah Deputy Commissioner Conference Hall, Kolasib-ah thutkhawm thin a ni anga. Mipuite thu leh hla ngaihthlain, rawtna pawimawh leh tul te an siam ang a.District level a chinfel theih mai loh thil chu a changtu Directorate leh Secretaries te hnenah an thlen thin ang.
6. Department hrang hrang te dawhkan khatah: Mipuite thu leh hla thlen, Department pahnih emaw a aia tam emaw khawih anih pawhin he thutkhawmnaah hian ngaihtuah ho thin a ni ang.
7. Thlirletna: ‘Kolasib Mipui Aw’ thutkhawmna a thu thlen te leh hmalakna te hi thutkhawm leh hunah thlirletna hun neih thin a ni ang.
