Kolasib District mipui ten Kolasib District chhunga Sorkar Department hrang hrang te hmalakna leh hnathawhna a lungawilohna leh harsatna an tawhte awlsam zawk leh rang zawka chinfel anih theihnan a duan “Kolasib Mipui Aw” chu vawiin khan an Chairman Dr. Arun T., IAS Deputy Commissioner hovin DC Conference Hall-ah an thukhawm.

“Kolasib Mipui Aw” ah hian Kolasib District a Sorkar Department hrang hrang a hotute thukhawmin, mipuiten harsatna thlenin a hmunah chinfel nghal theihte chinfelna tura duan a ni a. Thlatin Thawhlehni hmasaber ah an thukhawm thin a ni.

Vawiin thutkhawmah hian mipui lam harsatna nei inlan an tam loh avangin, huang zau zawka inhrilhhriatna neih a tul thu tarlan a ni a. A tul dan azirin ziakin emaw online kaltlanga lungawilohna leh harsatna te sutkian sak tura ngenna thehluh theih nise tih a ni bawk.