752/2025-2026

Dated Kolasib the 9th June, 2025: 5.06.2025 khan Rengtekawn leh Kawnpui a tun hnai ruahsur nasa avanga lei khi awm chu GM&R Department atang lo kal Geologist in a hmunah kalin a enfiah. Rengtekawn ah hian leikhi avang hian chhungkaw 3 chenna In chu dinhmun hlauhawmah a awm mek a. Hemi avang hian zan lamah an riak chhuak mek a ni. Tin, Builum Road chu nasa taka a khik avangin motor lian tan dan mek a ni. Bairabi panna, Rengtekawn bula kawng chhak nikum lama lei lo min vak tawhna pawh en nghal a ni.

Kawnpui lei khi avang hian chhungkaw 18 te chenna In chu dinhmun hlauhawmah a awm mek a. Hemi avang hian In 1 chu rauhsan a niin, chhungkaw eng emaw zat chu zan riak ngam lovin hmun dangah an riak chhuak thin. Rengtekawnah a leikhi enfiahna ah hian SDO(Sadar) leh District Organiser, DM&R ten an lo tawiawm a, Kawnpui lamah SDO(C) Kawnpui in a lo tawiawm bawk.

Lei khi te en zawh hian Kolasib DC Office Chamber-ah Geologist in Rengtekawn leh Kawnpui inkara leikhi awm dan tlangpui Report pe in sawi hona neihpui a ni a. Kolasib Deputy Commissioner Pu Robert C. Lalhmangaiha chuan GM&R Department chungah leh Geologist lo kal chungah lawmthu a sawi nghal bawk. He hunah hian lei khi awmna laia leimin dawlna siam leh chhiatna lian tham a thlen loh nan a hmalak dan tur te sawi ho a ni.