753/2025-2026

Dated: Mamit the 9th of June,2025: June ni 5 khan Mamit Forest Division huaihawtin Government Middle School, Dapchhuah-ah World Environment Day -2025 hman a ni.

He hun hi Pu Lalhuliana Headmaster Gov't M/S in a kaihruai a he ni hman a nih chhan te sawiin zirlaite pawh environment chhe mek hria a, mahni zawn theuha a chhiat belh zel lohna tura tan la turin a fuih.

Pu.C.Lalrinmuana DFO, Mamit chuan 'Ending Plastic Pollution' tih thupui hmangin Power point presentation a nei a, kan nitin khawsakna a kan hman tangkai tak plastic hmanga siam te hi duhdah taka paihin environment a nghawng dan te, tuihna humhalh chungchang bakah Pathian thilsiam te hi in mamawh tawna in ring tawn dan a sawi.

Hun hman zawh hnuin School compound-ah thingtiak phunna hun neih zui nghal a ni a, hemi zawh hian Middle School zirlai te nen Dapchhuah khawlaiah leh bazar hmunah te plastic bawlhhlawh chharin hun hman chhunzawm a ni a, plastic/sarang khawlaia paih darh mai mai te chu thenfai a ni.

He hunah hian Mamit Forest Division hnuaia Forest Range paruk (6) - Mamit Forest Range, Lengpui Forest Range, Rawpuichhip Forest Range, Saithah Forest Range, Kanghmun Forest Range leh Marpara Forest Range thawktu Range Officer-te leh staff-te an tel a ni.