Kolasib Sa zuar Association ten tun June thla atanga Bawngsa leh Vawk sa man tihsan an tum chungchangah vawiin khan DC Pi Niharika Rai chuan Association hruaitute a office-ah koin a titipui a.

DC chuan tunlai thil man sang leh harsatna kawng hrang an tawhte a hriatthiampui thu sawiin amaherawhchu mipui mimir dinhmun nawlpui thlirin Sa man hi sang tak ni theia a hriat loh thu a hrilh a. Tun dinhmunah Sa rate chu Kg khat zela cheng 10-a tihsan phawt nise an ti a. Vawksa kg khat Rs 160 ni thin chu Rs. 170/- a ni ang a, Bawngsa ti Rs 180 ni thin chu Rs. 190/- a ni tawh ang. Rate thar hi naktuk June 1 atanga hman nghal a ni ang.