Vawiin khan Kolasib SP Pu C. Lalzahngoa hovin Kolasib District chhunga Police Station zawng zawnga Officer-in-Charge (OC) leh Police officer dangte chuan meeting an nei a.

Meeting-ah hian Kolasib District mipuiten Krismas leh Kumthar hlim leh him taka an hman theih nan dan leh thupek kenkawh kalpui dan tur chungchangte, Zin veivak te him nan Motor leh motor khalhtu te endik chungchangte leh thil pawimawh dangte an sawiho a. Rui chunga motor khalh awm leh awm loh check te, kum tling lo motor khalh an awm leh awm loh check te chu ngawrh takin Police in an kalpui dawn a, hemi atan hian Mobile Checking chu hmun pawimawhah neih a ni ang a. Mipui te pui turin Diakkawn ah Police Help Desk dah a ni ang.